အမေ ( ၁ )
မတော်တဆ ချော်ကာကျလည်း
ဖွင့်ဟမိပြန် အမေ့ ဆိုတဲ့ ထိုအသံ…
မမြင်သစ်ငုတ် ခလုတ်တိုက်လည်း
ဆိုလိုက်မိပြန် အမေ့ ဆိုတဲ့ ထိုအသံ…
ဝါး ကနဲ ခြောက် မြှောက် ကနဲ ပင့်
ချီမ လင့်လည်း ဖွင့်အံမိပြန် အမေ့ ဆိုတဲ့ ထိုအသံ…
ထစ် ကနဲ ချုန်း အုန်း ကနဲ ညံ
ံ ကြားရသံလည်း ရွတ်အံမိပြန် အမေ့ ဆိုတဲ့ ထိုအသံ…
အမေ့ ပုံရိပ် အမေ့ စိတ်တွေ
မသိစိတ်တွင်း သိစိတ်ရင်းမှာ
အထင်းသားယှက် လျှပ်စီးလက်သို့
ရက်ဆက်နေ့စဉ် အသက်ဝင်၏…
သြော် …
ငယ်စဉ်တောင်ကျေး ကလေးဘ၀
ဖြစ်စဉ်ကလို အမေ့ရင်ခွင်
ပြေးဝင်ချင်လည်း ဝေးနေဆဲမို့
စို့စို့ မျက်ရည် ကျမိ၏…
တို့တို့ မျက်ရည် သုတ်မိ၏…။
အရှင်ကေလာသ(သာစည်) MA မဂဓ တက္ကသိုလ် အိန္ဒိယ။
0 comments:
Post a Comment